Стани член

Коалицијата е отворена и за други субјекти кои работат или пак имаат желба да учат и да ја унапредуваат медиумската писменост. Високата школа, заедно со своите партнери „Нова Македонија“ и Институтот за различности во медиумите, ги поканува граѓанските организации, медиумите, институциите, училиштата и сите заинтересирани граѓани да се приклучат кон Коалицијата.

Што значи Вашето пристапување кон Коалицијата за медиумска писменост?

Целта на Коалицијата е преку заеднички напори на повеќе поединци, организации и институции да се зајакне на свеста на граѓаните за значењето на медиумската писменост, разбирање на медиумските содржини и употреба на медиумите како канал за артикулирање на нивните интереси. Тоа е еден од предусловите за активно учество во јавната сфера. 

Со пристапот кон Коалицијата, ќе бидете информирани за сите активности, настани, истражувања и нови ресурси за медиумската писменост. Исто така, може да ги споделувате и вашите активности врзани за темата, со што ќе ги информирате и другите членови на Коалицијата.

Пристапот е доброволен и бесплатен.