Фаца на месецот

Биди новинар и интервјуирај познати личности чиј успех или искуство вреди да се сподели со младата публика.

Креирам и остварувам

 Ива Спасовска, моден дизајнер

iva-spasovskaИва Спасовска е модна дизајнерка од Куманово кој веќе неколку години активно работи во Скопје. Таа е млада и уникатна во својата работа, а со својот стил и вештини секоја своја идеја ја реализира во прекрасен фустан. Желбите на клиентите им ги претвора во реалност зашто освен што нејзините креации се оригинални, никој во нив не останал незабележан.

Медиум: Кога го направи првиот чекор кон својата кариера?

Ива: Тоа беше пред да завршам средно училиште, поточно кон самиот крај на средното. Пробав, видов и еве се уште се трудам да успеам. Со секоја постигната цел си поставувам нов и поголем предизвик. Сепак, првиот чекор е направен. Сега се движам напред. Креирам и остварувам.

Медиум: Колкаво е искуството на Ива како моден дизајнер?

Ива: Креирам веќе шест години. На почетокот тоа беше хоби за правење модни додатоци, како обетки, ѓердани и слично, а потоа почнав и со модни парчиња. Тука се пронајдов себеси и својата кариера, која ја работам со љубов.

Медиум: Кое е првото парче облека кое го има пробано некој од клиентите?

Ива: Првото нешто кое почнав да го работам од облека беше корсет. И воедно тоа е и првото парче кое беше облечено од моја клиентка со потпис на „Atelier by Iva“.

iva-spasovska2Медиум: Како почна ова твое патување?

Ива: Бидејќи сум од Куманово, најпрво почнав таму да работам. Но беше тешко поради голем број редовни клинети кои беа од Скопје. Така пред две години го отворив ателјето кое се наоѓа во скопската населба Капиштец и од тогаш успешно работи и ги задоволува сите замисли на девојките.

Медиум: Каков стил внесува Ива во своите креации и по што е тој стил претпознатлив?

Ива: Стилот кој го работам е пред се женствен, најмногу фокусиран кон оној „princess look“ и истакнувањето на женските облини. Сетоа тоа кога ќе се стави во еден дизајн ја прави секоја девојка да изгледа уникатно и совршено.

 

Репортер: Елена Андоновска, студентка на Високата школа за новинарство и за односи со јавноста

Прочитано 81 пати

Остави коментар

Полињата означени со: (*) се задолжителни.

За проектот

Високата школа за новинарство и за односи со јавноста во партнерство со Институтот за различности во медиумите од Лондон и со дневниот весник „Нова Македонија“ во периодот 2016-2018 г. ќе го реализира проектот „Медиумска писменост во ера на наплив на информации: Македонска коалиција за медиумска и информациска писменост“.

Повеќе

За весникот „Медиум“

„Медиум“, весникот на сите средношколци е плоштадот на слободата на младите луѓе. Средношколец си и сакаш да пишуваш во весник. Стани дел од редакцијата на првиот средношколски весник кој излегува еднаш месечно во „Нова Македонија“.

Повеќе

 
Адреса
ул. „Јуриј Гагарин“, бр. 17/1-1, Скопје тел. 02 / 30 90 004