Фаца на месецот

Биди новинар и интервјуирај познати личности чиј успех или искуство вреди да се сподели со младата публика.

Негувајте ги слободната мисла и говорот

Огнен Јанески

ognen janevskiМедиум: Огнен Јанески повеќе го знаат пензионерите преку „Очи в очи“ на ТВ 24 Вести, но го препознаваат и средношколците. Која публика ти е подрага? 
Огнен: Точно е дека повеќе сум препознатлив кај повозрасните, но со средношколците нè поврзува Средношколскиот пленум, за којшто сум пресреќен што се формираше. Преку маршот на 13-те илјади, младите посочија колку се силни и каква авангардна младина ја очекува оваа држава. Бев дел од панелистите кои минатата година го искажуваа својот став за потребата од протести на средношколската младина.

Мојата соработка со нив е изразена преку другата емисија, „За животот“, каде што средношколците можат да ми гостуваат и да ги посочат своите проекти или идеи кои заслужуваат јавно внимание.

Медиум: Има ли разлика меѓу денешните и средношколците пред 10 години?
Огнен: Други беа времињата кога бев средношколец пред десет години во гимназијата „Мирче Ацев“ во Прилеп, на отсекот странски јазици и компаративна книжевност. Можеби не беа толку различни самите по себе, колку поради поедноставниот начин на живеење. Мобилните не беа во подем, друштвените мрежи не постоеја, освен MySpace. За да се истакнеш меѓу врсниците требаше да бидеш подобар од другите во нешто, правејќи го тоа успешно. Јас бев вклучен во прилепскиот театар и во локалната телевизија, во рецитацијата, дебатниот клуб, но и во средношколскиот весник „ГИМ“. Се дружевме на поинаков начин, бевме поблиски, подруштвени. Се сметавме за посебни, веројатно како и сите генерации, но ние вистина бевме посебни зашто сме „Чернобил-генерација“, родени по хаваријата во Чернобил. Денес истакнувањето се изразува преку присутноста и популарноста на друштвените мрежи.

ognen janevski1Откако се преселив во Скопје како студент, преку проект на Клубот на оратори „Forum Oratores“, предавав Реторика и јавно говорење во неколку скопски средни училишта. Секојпат бев изненаден кога ќе видев преполна училница со средношколци – желни за знаење како правилно да се изразат, како правилно да ја пренесат својата мисла во јавноста. Многу сум горд што дел од тие ученици, денес ми се колеги во телевизијата „24 Вести“, некои во други медиуми, некои се предводници на ораторскиот занает на Правниот факултет, а некои се членови на Студентскиот пленум.

Мислата е особено важна. Слободата на говорот е столб на здраво демократско општество, која мора да се негува уште од училишните клупи. И тоа мора да им биде императив на образовниот кадар, на родителите, на граѓаните, а пред сè, да им биде всадено на младите дека е особено важно да мислат слободно.

А. Т. 

Read 217 times

Leave a comment

Make sure you enter all the required information, indicated by an asterisk (*). HTML code is not allowed.

За проектот

Високата школа за новинарство и за односи со јавноста во партнерство со Институтот за различности во медиумите од Лондон и со дневниот весник „Нова Македонија“ во периодот 2016-2018 г. ќе го реализира проектот „Медиумска писменост во ера на наплив на информации: Македонска коалиција за медиумска и информациска писменост“.

Повеќе

За весникот „Медиум“

„Медиум“, весникот на сите средношколци е плоштадот на слободата на младите луѓе. Средношколец си и сакаш да пишуваш во весник. Стани дел од редакцијата на првиот средношколски весник кој излегува еднаш месечно во „Нова Македонија“.

Повеќе

 
Адреса
ул. „Јуриј Гагарин“, бр. 17/1-1, Скопје тел. 02 / 30 90 004