Креативност

Иновативност

Оригиналност

Имагинација

 

Биди новинар за „Медиум“

Испрати ни го твојот текст на medium@medium.edu.mk и ние ќе го објавиме :)

Испрати

Низ ходниците

За време на медиумската лабораторија во скопската гимназија „Зеф Љуш Марку“, средношколците изразија желба да бидат новинари интервјуирајќи го својот музички идол Арбен (Бени) Шаќири, кој средното образование го завршил во истото училиште.

Министерството за образование и наука ги сумираше просечните оценки во сите средни училишта во земјава за ланската учебна 2016/2017 година. Според оваа листа на министерството, најдобар просек на оценки има скопската гимназија „Орце Николов“ со 4.18. Следуваат „Р. Ј. Корчагин“ со 3.98, „Никола Карев“ со 3.74, „Георги Димитров“ 3,68. Гимназијата е петта по успехот според оценките со просек од 3,4. Најнизок просек меѓу скопските училишта имаат СУГС „8 Септември“ со 2,17 и „Лазар Танев“ со 2,37.

Точно напладне на 18 мај матурантите од Скопје, Струга, Охрид, Струмица, Гевгелија и Куманово танцуваа квадрил на градските плоштади, исто како и нивните соученици од матуранти од 62 градови во Босна и Херцеговина, Бугарија, Словачка, Словенија, Србија, Турција, Унгарија, Хрватска и Црна Гора.

На 4-ти мај двете соученички од прва година во битолската гимназија „Јосип Броз Тито“ Бесјона Јусуфи и Ангела Пандовска во Центарот за култура ја промовираа заедничката книга „Различни, а сепак исти“. Книгата е двојазична – на македонски и на албански јазик.  Промотор, а воедно и рецензент беше професорката по Македонски јазик и литература, Соња Живковиќ-Ѓоргиевска, која истакна дека ова е по многу нешта специфична книга: двете девојки сакаат да припаѓаат на модерното време, без предрасуди, дело во кое има позитивни чувства, а читателот може да ја вкуси приказната за двата различни карактери кои сепак имаат нешто заедничко ... љубовта.

Министерството за образование и наука (МОН) на 21 април ја промовираше Сеопфатната стратегија за образование за 2018-2015 година што Владата ја усвои во јануари заедно со Акцискиот план. „Кога тргнавме да го заокружиме овој документ, имавме голема визија пред нас - да ги утврдиме правците на образованието за поттикнување и овозможување личен развој на активни и мотивирани граѓани кои ќе можат да придонесат за развојот и напредокот на заедничкото општество. Ги лоциравме клучните предизвици на македонскиот образовен систем, почнувајќи од градинките и училиштата се до универзитетите и поставивме достижни цели за промена.“ – рече министерката во заминување, Рената Десковска.

Живееме во нова епоха на мултипликација на медиумите во која секој дава различна дефиниција за поимот МЕДИУМ и МЕДИУМСКА ПИСМЕНОСТ. Според некои, медиум е сѐ она што ни пренесува некоја порака или информација, на пример, тоа може да биде чаша со апликација, маичка со каков било натпис, а други пак под медиум го подразбираат ТВ приемникот, паметниот мобилен телефон, весник, списание или некој билболрд. Оттука произлегуваат и се поставуваат други прашања: Дали медиумите се застапени во образовниот процес? Дали учениците се медиумски писмени за да ја дадат вистинската дефиниција за тоа што е медиум?

Општо познато е дека Милчо Манчевски е најуспешниот и најпознатиот македонски режисер во светот. Тој себеси се опишува како авангарден лик, човек кој не се доживува како дел од систем. За него слободата, во било која форма, е императив во животот. Милчо твори за да се искаже и ужива во тоа што го прави. За него резултатите не се толку важни, колку креативното размислување и искажување. Во неговите интервјуа се зборува за неговите филмови, награди, критички ставови и идеи. Но малку е познато за неговиот средношколски живот, за неговите желби и интереси, за деновите во кои му се оформувала кариерата. Зборуваме и за најновиот филм „Бикини Мун“, како и за проектот во фаза на создавање „Врба“, кој ќе се снима во Скопје и Мариово.

Од 23 до 28 април годинава, се одржа вториот „Конект фестивалот“, настан на кој имаше многу дружење, свирка, како и натпревари во скејтање и гејминг меѓу скопските средношколци. Иницијативата за фестивалот потекнува од група ученици од гимназиите, „Георги Димитров“, Орце Николов“, „Јосип Броз Тито“,, „Никола Карев“ и „Раде Јовчевски – Корчагин“, но и од поранешни ученици во овие средни училишта.

И годинашните прослави на матурски ќе поминат во знакот на скапо, на брендови, на купување на облека, која можеби никогаш повеќе тинеџерите нема да ја облечат и раскошни прослави за кои некои родители ќе мораат да земат и потрошувачки кредити за да ги покријат сите трошоци, затоа што севкупно ќе се движат и до 1.000 евра. Во најдобар случај. И сето тоа, затоа што е „срамота да се оди на матура по фармерки“, како што притискаат многу родители „верни“ на традицијата.

Лина Пејовска е средношколка во гимназијата „Јосип Броз-Тито“ во Скопје, има 15 години, а веќе е музичка ѕвезда. Нејзиниот прв хит е „Ако ме сакаш“ на Ју тјуб има околу 200.000 прегледи, а подготвува и нови песни за публиката.

Учениците од втора година од средното економско училиште „Васил Антевски-Дрен“ беа во посета на Министерството за финансии на Македонија, каде присуствуваа на презентација на носење на Буџет. Учениците, имаа можност теоретските знаења да ги поврзат со практичните.  Се сретнаа и со министерот Драган Тевдовски кој им објасни дека сите придонесуваат за финансирање на државниот Буџет и кога пазаруваат задолжително да побараат фискална сметка. Исто така им посочи да го видат Граѓанскиот буџет за 2018 година и да дадат сугестии за подобрувања кои би можеле да се земат во предвид при подготовката на следниот граѓански буџет за 2019 година.

За врсничкото насилство не смее да се молчи, треба секој да помогне и да застане на страната на оние кои се малтретирани, порачаа гостиварските средношколци преку танцов театар. На настанот учествуваа средношколците од гостиварската гимназија, економското училиште и нивни соученици од скопската гимназија „Зеф Љуш Марку“.

Во Домот на култура “Марко Цепенков” – Прилеп, по осми пат се одржа „Гимфест“. Многубројната публика уживаше слушајќи хитови од различен жанр и различен временски период, во духот на овогодинешната тема „Времеплов“.

Со цел да ја зголеми мотивираноста кај младите и талентирани спортисти - средношколци, Град Скопје за првпат воведе стипендирање на спортисти - средношколци кои се жители на Скопје и учат во средните училишта на подрачјето на Скопје. Ќе се изберат 100 стипендисти - средношколци, кои во текот на 8 месеци во тековната 2018 година ќе добиваат стипендија од 3.000 денари месечно со платен персонален данок, средства обезбедени од буџетот на Град Скопје.

Со развојот на технологијата, пристапот до медиумите и информациите што ги нудат е многу брз и лесен. Како поранешен новинар, а сега професор, на часовите за правопис, правоговор, публицистика,  со учениците релативно често разговараме за новинарството. Иако мали, учениците почнуваат да распознаваат што е точна, а што лажна или претенциозна вест. Од самиот наслов или помпезна најава може да се заклучи дали новинарскиот прилог некого ќе воздигне или ќе  понижи..та нели во секое црно има и бело и во секое бело има црно? За жал, имаме сѐ помалку реални вести.

Оваа веб-страница е изработена со помош на Европската Унија во рамките на проектот Коалиција за медиумска писменост. За објавените содржини е одговорна Високата школа за новинарство и за односи со јавноста и истите нужно не ги одразуваат ставовите на Европската Унија.

Адреса

ULICA
ул. Јуриј Гагарин 17-1/1
GRAD
1000, Скопје
WEB
Република Македонија

Контакт

БРОЈ
02 / 3090 004
МЕЈЛ
medium@medium.edu.mk