На 30 мај во дневниот весник „Нова Македонија“ излезе новиот број на месечниот средношколски весник „Медиум“. Прочитајте кој е најдобриот дебатер во Македонија, кои се победничките средношколски иницијативи за промени во заедницата, спортските фаворити на овогодинешната „Гимазијада“, новинарската лабораторија во Штип и слични содржини блиски до тинејџерите.

Мајското издание на „Медиум“ е последно за оваа учебна година. Школата, во соработка со „Нова Македонија“ ќе продолжи да го публикува „Медиум“ повторно во септември.

„Медиум“ е дел од активностите на Високата школа за новинарство и за односи со јавноста за поттикнување на медиумската писменост во средното образование, во рамките на проектот „Македонска коалиција за медиумска писменост“, финансиран од Европската Унија.

За проектот

Високата школа за новинарство и за односи со јавноста во партнерство со Институтот за различности во медиумите од Лондон и со дневниот весник „Нова Македонија“ во периодот 2016-2018 г. ќе го реализира проектот „Медиумска писменост во ера на наплив на информации: Македонска коалиција за медиумска и информациска писменост“.

Повеќе

За весникот „Медиум“

„Медиум“, весникот на сите средношколци е плоштадот на слободата на младите луѓе. Средношколец си и сакаш да пишуваш во весник. Стани дел од редакцијата на првиот средношколски весник кој излегува еднаш месечно во „Нова Македонија“.

Повеќе

 
Адреса
ул. „Јуриј Гагарин“, бр. 17/1-1, Скопје тел. 02 / 30 90 004