Вкупно 35 високообразовни институции, институции, медиуми и граѓански организации потпишаа пристапници кон т.н. Мрежа за медиумска писменост што ја основаше Агенцијата за аудио и аудиовизуелни медиумски услуги (ААВМУ). Меѓу нив е Високата школа за новинарство и односи со јавноста.

Целта на Мрежата е да се унапредува соработката меѓу различните субјекти во македонското општество кои креираат и спроведуваат политики и реализираат активности и проекти во сферата на медиумската писменост. Актот за формирање ги дефинира обврските кои ги имаат сите чинители кои членуваат во Мрежата, додека пак АВМУ ќе ја промовира Мрежата и преку други средства за промоција (посебна веб страница, квартален билтен). Високата школа и Институтот за комуникациски студии се единствените високообразовни институции кои се дел од Мрежата.

Основањето на мрежата го поддржа и Делегацијата на ЕУ, на кое евроамбасадорот Самуел Жбогар посочи дека медиумската писменост е особено важна за здрава демократија и за медиумските слободи и плурализмот, но и за развојот на критичкото размислување на граѓаните.

Како дел од активностите за обезбедување на поголема видливост на Мрежата и нејзината кауза, АВМУ ќе испраќа различни промотивни материјали до медиумите и други партнери со кои ќе ја подига свесноста на јавноста за важноста на медиумската писменост. Во нив ќе бидат вклучени и неколкуте едукативни видеа за медиумска писменост кои ги изработи Високата школа за новинарство и за односи со јавноста.

Автор на фотографиите е фоторепортерката од весникот „Нова Македонија“, Маја Јаневска.

За проектот

Високата школа за новинарство и за односи со јавноста во партнерство со Институтот за различности во медиумите од Лондон и со дневниот весник „Нова Македонија“ во периодот 2016-2018 г. ќе го реализира проектот „Медиумска писменост во ера на наплив на информации: Македонска коалиција за медиумска и информациска писменост“.

Повеќе

За весникот „Медиум“

„Медиум“, весникот на сите средношколци е плоштадот на слободата на младите луѓе. Средношколец си и сакаш да пишуваш во весник. Стани дел од редакцијата на првиот средношколски весник кој излегува еднаш месечно во „Нова Македонија“.

Повеќе

Адреса

ул. „Јуриј Гагарин“, бр. 17/1-1, Скопје тел. 02 / 30 90 004

www.medium.edu.mk; www.vs.edu.mk; 
medium@medium.edu.mk;