Интернетот велат колку е корисен, толку е и опасен во денешно време. А таму односно преку него сигурно место си најдоа и лажните вести, кои како лавина се шират од секаде.

 
Некои велат дека колку што Сидата како неизлечива болест е опасна за човештвото, толку сега и лажните вести го разболуваат општеството.
Со растот на лажните вести и пропагандата, се појави потребата од медиумска писменост, која е особено важна за младата популација, која секојдневно е изложена на низа информации од различни извори.

 
Македонија се најде во топ настаните со младите луѓе од Велес кои беа ставени на тапет на светската јавност заради ширењето лажни вест во корист на тогаш претседателскиот кандидат на изборите во Америка Доналд Трамп, а денеска претседател на таа земја.

 
Од Високата школа за новинарство и за односи со јавност во Скопје велат дека постои можност да се вметне медиумската писменост во наставните програми, но за тоа е потребна поддршка од институциите, заедно со медиумската индустрија.

 
Ланската година беше промовирана Коалицијата за медиумска писменост основана од Високата школа за новинарство и за односи со јавноста, Нова Македонија и Инситутот за различности во медиумите од Лондон.

 
Осум невладини заедно со исто толку медиуми како партнери ќе реализираат различни активности со кои ќе ја едуцираат јавноста и своите целни групи како критички да ги перцепираат медиумските содржини, но исто така и да ги употребуваат медиумите за промоција на своите барања и интереси.

Деновиве на дводневна обука со новинарите во Високата школа за новинарство и односи со јавноста се разменуваа искуства и се учеше од светки примери преку искуствата и на Том Лоу од Мрежата за етика во новинарството од Лондон.

За проектот

Високата школа за новинарство и за односи со јавноста во партнерство со Институтот за различности во медиумите од Лондон и со дневниот весник „Нова Македонија“ во периодот 2016-2018 г. ќе го реализира проектот „Медиумска писменост во ера на наплив на информации: Македонска коалиција за медиумска и информациска писменост“.

Повеќе

За весникот „Медиум“

„Медиум“, весникот на сите средношколци е плоштадот на слободата на младите луѓе. Средношколец си и сакаш да пишуваш во весник. Стани дел од редакцијата на првиот средношколски весник кој излегува еднаш месечно во „Нова Македонија“.

Повеќе

 
Адреса
ул. „Јуриј Гагарин“, бр. 17/1-1, Скопје тел. 02 / 30 90 004