Документарен филм и „Аманет“ од битолското економски училиште
Членовите на Младинската организација при битолското економско училиште „Јане Сандански“ изготвија документарен филм по повод 91 година постоење на училиштето. Изминатото полугодие тие првпат го издадоа и училишниот весник „Аманет“.
Младинската организација брои 32 членови, а главна цел е поттикнување на младински активизам, креирање на вон-наставни активности и вклучување на младите во процесот на донесување на одлуките кои ги засегаат токму нив. Членовите постојано организираат јавни настани во кои се вклучени ученици од сите години, а некои од нив се и со хуманитарен карактер. Средствата кои беа собрани од последните работилници и забави беа донирани на битолскиот Завод за рехабилитација на деца со оштетен слух, како и на други соученици и граѓани кои имаат потреба од хуманитарна помош.
Покрај активностите на Младинската организација, во училиштето „Јане Сандански“ активно функционираат и литературната, драмската, новинарската и ликовната секција, како и институцијата Дете правобранител чија цел е да ги заштитува правата на учениците.
Мартин Николовски, ученик во СОЕУ „Јане Сандански“ – Битола
Оваа веб-страница е изработена во рамките на проектот „Употреба на новинарство засновано на факти за подигање на свеста и спротивставување на дезинформациите во медиумскиот простор во Северна Македонија (Користи факти)“, кој се реализира од Институтот за комуникациски студии. Проектот е финансиран од Владата на Обединетото Кралство, со поддршка на Британската амбасада во Скопје. Мислењата и ставовите наведени на оваа веб-страница не ги одразуваат секогаш мислењата и ставовите на Британската Влада.