Skip to content 
Електротехниката го заинтересира и претседателот Иванов
Вештините на средношколецот Александар Соколчевски од скопското електротехничко училиште „Михајло Пупин“ го привлекоа вниманието на македонскиот претседателот Ѓорге Иванов на манифестацијата Светски ден на науката за мир и развој.
На изложбата на проекти од млади истражувачи, Александар го прикажа својот труд „Оптички индикатор на звучен сигнал со ву метар со предпрецизен насочувач и бескраен лед тунел“. Претседателот Иванов се заинтересира што претставуваат сите сијалички на инсталацијата, а средношколецот имаше можност да му објасни на кој принцип лед диодите во колото светкаат по варијација на звучен сигнал и како е тоа изработено. Проектот e реализиран под менторство на професорот Наташа Божиновска, а Александар вели дека има уште идеи за кои се надева дека ќе има можности да ги реализира во училиштето.
Манифестацијата Светски ден на науката за мир и развој се одржа по трет пат во Народната канцеларија на Претседателот на Република Македонија.
Оваа веб-страница е изработена во рамките на проектот „Употреба на новинарство засновано на факти за подигање на свеста и спротивставување на дезинформациите во медиумскиот простор во Северна Македонија (Користи факти)“, кој се реализира од Институтот за комуникациски студии. Проектот е финансиран од Владата на Обединетото Кралство, со поддршка на Британската амбасада во Скопје. Мислењата и ставовите наведени на оваа веб-страница не ги одразуваат секогаш мислењата и ставовите на Британската Влада.