Философски молк и книжевна дискусија
Средношколците од „Раде Јовчевски – Корчагин“ остварија средби со еден од најголемите философи на современиетоФерид Мухиќ и еден од најзначајните книжевни критичари Раде Силјан.
Сообразно на Киркегоровиот цитат „закачени на усните на учителот“, милениците на философијата ја слушаа беседата „Моќта на философијата“ изведена од професорот Мухиќ, по што следеше молккако доказ за воодушевеност и фасцинација. „Совршеното единство на мудроста и љубовта се остварува во философијата која по својата етимологија е мудрољубие“, рече Мухиќ.
Поетот и есеистот Раде Силјан, пак, на учениците им ја доближи македонската книжевна реч. Тие читаа и уметнички интерпретираа фрагменти од неговите книги и дискутираа по нив. Средношколците ќе продолжат да имаат средби и со други поети за повеќе да им се доближи македонската литѕература.
Драгица Солунчева и Ева Зовиќ, СУГС Гимназија „Раде Јовчевски-Корчагин“
Оваа веб-страница е изработена во рамките на проектот „Употреба на новинарство засновано на факти за подигање на свеста и спротивставување на дезинформациите во медиумскиот простор во Северна Македонија (Користи факти)“, кој се реализира од Институтот за комуникациски студии. Проектот е финансиран од Владата на Обединетото Кралство, со поддршка на Британската амбасада во Скопје. Мислењата и ставовите наведени на оваа веб-страница не ги одразуваат секогаш мислењата и ставовите на Британската Влада.