Обновете ги парковите, порачуваат најмладите штипјани

Автори на фото сторијата: Канита Ајдини, СУГС „Зеф Љуш Марку“, Скопје и Теодора Манева, СОУ „Митко Пенџуклиски“, Кратово

Штип е град кој од секогаш е познат по неговите природни убавини, како и по пријатно уредените урбани содржини. Но, штипјани исто така обично знаат да укажат на одредени недостатоци кои понекогаш ја уништуваат убавата глетка на градот. Пример за тоа се парковите во градот, како места што се омилени од страна на децата, каде што тие можат да го поминат своето слободно време. Токму затоа, овие детски катчиња треба да бидат целосно прилагодени за најмладите, а не да бидат оставени на забот на времето. Иако лулашките и останатите реквизити не се во најдобра форма, се добива впечаток дека одамна никој не се погрижил доволно за нив.

Детската желба да бидат во своето омилено свртувалиште е поголема од недостатоците што се присутни во паркот.

Парковите се секојдневие за децата од сите возрасти.

Некои реквизити се целосно застарени но тоа не ги спречува најмладите штипјани да уживаат во својата игра.

Ги учиме децата дека водата е најголемо богатство но никој од возрасните не се погрижил да ги стави во функција чешмичките во детските паркови.

Младите со задоволство се враќаат во парковите и ги евоцираат спомените од детството но бараат катче прилагодено за нивната возраст.

Безбедноста на децата е најважна, но сепак како да е ставена на последно место се додека постојат вакви лулашки.