Претприемничка посета на Прилеп
Средношколци од скопското училиште „Георги Димитров“ се запознаа со претприемничкиот процес при производството на тутун и пиво при посетата на Музејот и инстититот во Прилеп и Прилепската пиварница.
Во Музејот и институтот за тутун, учениците ги посетија лабораториите каде што се вршат истражувањата за можностите за примена на квалитетниот македонски тутун во фармаколошката индустрија. Тие се запознаа со вредни тутунски експонати и увидоа дека со соодветно брендирање и правилна употреба, тутунот може многу да придонесе за економскиот развој на прилепскиот регион.
Во Прилепската пиварница учениците го набљудуваа целосниот производен процес на пивото – од јачмен, хмељ, квасец и вода до дизајнирани шишиња. Тие разговараа и за претприемничкиот потенцијал на фабриката која постојано го развива производствениот процес и бизнисот.
Посетата се реализираше во рамки на предметот Бизнис и претприемништво.
Ана Јанева, ученичка во СУГС „Георги Димитров“
Оваа веб-страница е изработена во рамките на проектот „Употреба на новинарство засновано на факти за подигање на свеста и спротивставување на дезинформациите во медиумскиот простор во Северна Македонија (Користи факти)“, кој се реализира од Институтот за комуникациски студии. Проектот е финансиран од Владата на Обединетото Кралство, со поддршка на Британската амбасада во Скопје. Мислењата и ставовите наведени на оваа веб-страница не ги одразуваат секогаш мислењата и ставовите на Британската Влада.