Се одбележа 100 годишнината од завршувањето на Првата светска војна
Педесетина ученици од поранешните југословенски простори ја одбележаа 100-годишнината од крајот на Првата светска војна со заедничка театарска претстава во словенскиот град Птуј.
Претставниците од Македонија – средношколци од училиштата „Георги Димитров”, „Јосип Броз Тито” и „Браќа Миладиновци”, ја подготвуваа завршната претстава една недела низ разни работилници и дружења.
– Активностите се одржуваа во гимназијата во Птуј. Таму имавме можност да се запознаеме и дружиме со наши врсници. Преку музика, танц, глума и пеење ја подготвувавме завршната претстава на оваа прослава, вели Александра Михајловска, учесничка на манифестацијата.
– На ова патување стекнавме многу нови пријателства, коишто ќе се обидеме да ги негуваме и секако да возвратиме на гостопримливоста во некоја наредна прилика во Македонија, вели Никола Димитровски, учесник од СУГС „Георги Димитров“.
Проектот е подржан од Централната служба за образование во странство „ЗФА“ под чија надлежност се ДСД училиштата.
Марина Тодоровска, СУГС „Георги Димитров“
Оваа веб-страница е изработена во рамките на проектот „Употреба на новинарство засновано на факти за подигање на свеста и спротивставување на дезинформациите во медиумскиот простор во Северна Македонија (Користи факти)“, кој се реализира од Институтот за комуникациски студии. Проектот е финансиран од Владата на Обединетото Кралство, со поддршка на Британската амбасада во Скопје. Мислењата и ставовите наведени на оваа веб-страница не ги одразуваат секогаш мислењата и ставовите на Британската Влада.