d

The Point Newsletter

Sed ut perspiciatis unde omnis iste natus error.

Follow Point

Begin typing your search above and press return to search. Press Esc to cancel.

Советот за јавни набавки ја развлекува постапката за лекови за да направи проблем, обвини таравари

Лекови за болните од хемофилија и за болните од ретката болест Вилсон нема поради Советот за јавни набавки, кој е комплетно политизиран, рече министерот за здравство Арбен Таравари на денешниот отчет за 100 дена Влада. Тој рече дека пред шест месеци Советот без проблем давал дозвола за набавките под исти услови како и сега, а сега ги враќа и ја влече постапката за да направи проблем.

„Иста фирма пред шест месеци поминувала и се правеле набавки, а сега ја враќаат процедурата. Не смееме да си играме со животот на пациентите. Каде што можевме, направивме интервентен увоз, но тоа секогаш чини повеќе. И премиерот го информирав за овој проблем и побарав да се најде решение. Лекови нема не затоа што министерот не сака да ја потпише набавката, туку исклучиво поради Советот за јавни набавки”, рече Таравари.

Пациентите со ретка болест Вилсон трет месец се без терапија, без која може да умрат или да добијат трајни и непоправливи оштетувања на црниот дроб, мозокот и очите. Без терапија се и болните од хемофилија, кои без факторот за коагулација на крвта може да искрварат до смрт.

Е. БОЧВАРОСКА

Оваа статија се продуцира со помош на грант доделен преку проектот „Коалиција за медиумска писменост“, што го спроведува Високата школа за новинарство и за односи со јавноста во соработка со Институтот за различности во медиумите од Лондон и весникот „Нова Македонија“ со финансиска поддршка од Европската Унија. Содржините во оваа статија се одговорност единствено на Сакам да кажам и истите нужно не ги одразуваат ставовите на Европската Унија.

Линк до оригналната објава