d

The Point Newsletter

Sed ut perspiciatis unde omnis iste natus error.

Follow Point

Begin typing your search above and press return to search. Press Esc to cancel.
Jas mislam vaka Jovana Jordanovska

Времето нема да ги реши проблемите со дислексија и аутизам

Јована Јордановска, СОУ „Перо Наков“ – Куманово

Сите сме различни. Различни во секоја смисла. Нѐ учат на први зборови, на првиот чекор, нѐ учат што е правилно, а што не. Нѐ учат на почит, толеранција, љубов и разбирање, но забораваат да не научат на најважното. Забораваат да нѐ научат на различноста. А различноста треба да се почитува, негува и да се има во потполно разбирање. Некаде длабоко во нас, го заклучуваме разбирањето, ја отфрламе добродушноста, и таа капка љубов ја претвораме во себичност. Тука настанува хаос. Тука се раѓа самиот проблем, и истиот расте, се развива и прави невидени катастрофи, помеѓу младите луѓе ширум светот.

Дислексија, на пример, претставува различност што го отежнува самиот процес на стекнување и користење на вештините за читање, учење и пишување. Ова навистина претставува отежнување врз социјалниот живот. Децата на училиште, многу тешко ја прифаќаат различноста. Можеби и се плашат. Се плашат од нови нешта досега ненаучени, невидени. Се плашат од поинаквост. Стравот царува низ ходниците на училиштата.

Децата со аутизам ги дискриминираат, малтретираат, понижуваат, а тоа кревко невино срце ги прифаќа сите околу себе. Жедно за внимание, другарчиња, љубов… Секогаш со отворени раце, насмевка искрена, очи весели полни со сјај, чекаат прифаќање. Чекаат само рака, и рамо на кое ќе се потпрат. Децата со аутизам живеат во свој свет, и најчесто имаат проблем да ја прифатат реалноста. Им треба помош. Проблемот е во системот, во образованието, во родителите, и на крај-во самите нас. Сметам дека од првата година, првиот чекор во училишниот двор, децата треба да бидат воспитувани како да ги прифаќаат различностите . Да учат како да имаат разбирање, како да се однесуват , како да зборуваат и да се изразуваат без повредат нечии чувтства и без да бидат погрешно разбрани.

Непобитен факт е дека треба нешто да се смени , треба нешто да се преземе , да се реагира , да не се оставаат проблемите под тепих. Времето нема да ги реши.