Нова Македонија: Средношколци од Охрид дел од проeктот „Македонска коалиција за медиумска писменост“
И оваа учебна година продолжија работилниците во средните училишта на тема „Како се пишуваат новински вести?“ организирани од Високата школа за новинарство и за односи со јавноста и дневниот весник „Нова Македонија“.
Во вторникот четириесетина средношколци од СОУ „Климент Охридски“ – Охрид учеа и вежбаа новинарство што е во рамки на проектот „Македонска коалиција за медиумска писменост“, поддржан од Европската Унија.
Како се пишуваат новинарски вести? Како знаат новинарите дека информациите што ги добиваат се вистинити? Како можат учениците да ги користат медиумите за да ги промовираат своите интереси и барања во јавноста?
Ова се некои од прашањата на средношколците на кои одговараа Дејан Андонов, од Висока школа за новинарство и за односи со јавноста и Жарко Василевски, уредник во дневниот весник „Нова Македонија“. Целта на проектот е унапредување на медиумската писменост во училиштата.
Веста е превземена од novamakedonija.com.mk
Оваа веб-страница е изработена во рамките на проектот „Употреба на новинарство засновано на факти за подигање на свеста и спротивставување на дезинформациите во медиумскиот простор во Северна Македонија (Користи факти)“, кој се реализира од Институтот за комуникациски студии. Проектот е финансиран од Владата на Обединетото Кралство, со поддршка на Британската амбасада во Скопје. Мислењата и ставовите наведени на оваа веб-страница не ги одразуваат секогаш мислењата и ставовите на Британската Влада.