Сакам да кажам: Промовирана коалицијата за медиумска писменост
Коалицијата за медиумска писменост основана од Високата школа за новинарство и за односи со јавноста, весникот Нова Македонија и Институтот за различности во медиумите од Лондон е промовирана со првите 8 членови. Први членови се граѓанските организации Вилсон Македонија, Инклузива, Специјална олимпијада Македонија, Реформатор, Коалицијата Сексуални и здравствени права на маргинализираните заедници, Македонскиот институт за европски студии и Младинскиот културен центар од Битола.
Секоја организација заедно со своите медиумски партнери САКАМДАКАЖАМ.МК, Македонската Телевизија, Телевизија Плус од Куманово, 24 Вести, Телевизија 21, Радио Урбан ФМ и Тера Телевизија од Битола ќе реализираат различни активности со кои ќе ја едуцираат јавноста и своите целни групи како критички да ги перцепираат медиумските содржини, но и да ги употребуваат медиумите за промоција на своите барања и интереси.
Осумте граѓански организации ќе добијат грантови во висина од 5.000 евра за активности со кои ќе ја унапредуваат медиумската писменост во земјата, а избрани се на јавен повик на кој се јавија 38 апликанти.
Веста е превземена од sdk.mk
Оваа веб-страница е изработена во рамките на проектот „Употреба на новинарство засновано на факти за подигање на свеста и спротивставување на дезинформациите во медиумскиот простор во Северна Македонија (Користи факти)“, кој се реализира од Институтот за комуникациски студии. Проектот е финансиран од Владата на Обединетото Кралство, со поддршка на Британската амбасада во Скопје. Мислењата и ставовите наведени на оваа веб-страница не ги одразуваат секогаш мислењата и ставовите на Британската Влада.