d

The Point Newsletter

Sed ut perspiciatis unde omnis iste natus error.

Follow Point

Begin typing your search above and press return to search. Press Esc to cancel.

Еден ден би сакал да работам за компанијата на Елон Маск

Пане Панов е 17-годишен средношколец од СОУ,,Свети Кирил и Методиј“-Неготино, кој поседува огромен талент за природно-математичките науки. Својот талент веќе го докажал преку многу награди . Сега е трета година, билингвална паралелка, природно-математичката насока. Открива дека има сестра близначка, а освен што од мали нозе негува љубов кон физиката и математиката, го сака и францускиот јазик.

МЕДИУМ: Кои се твоите достигнувања на натпревари по математика и физика, од кога бележиш успеси?

ПАНОВ: Натпреварите се мое секојдневие од десетата година, а резултатите постојано ги воодушевуваа моите најблиски. Ги има повеќе. Во основното училиште учествував на повеќе училишни и регионални натпревари. Првата награда која навистина ми значеше беше бронзениот медал на „Македонска математичка олимпијада“. Потоа освоив втора награда на државните натпревари по математика и физика, како и неколку пофалници.

Eden den bi sakal da rabotam vo kompanijata na Elon Musk 2 330x440МЕДИУМ: Твоите успеси продолжија и во средното училиште. Кажи ни нешто повеќе за периодот од прва до трета година?

ПАНОВ: Во прва година освоив трето место, а потоа првото место на државниот натпревар по физика. Во втора и трета година учествував на настанот познат како „Месец на науката“ каде има борба на знаењата од областа на физика, математика, биологија, географија и хемија. Таму стасав до првото место, а оваа година ја освоив третата награда. Во математиката добив пофалница на државниот натпревар.

МЕДИУМ: Сигурно е тешко да се запомнат толку многу награди. Кој беше твојот ментор сите овие години и кои се твоите планови за иднината?

ПАНОВ: За успесите благодарен сум на мојата, сега веќе покојна професорка Марика Ѓорѓиева. Во однос на иднината, сонувам еден ден да бидам дел од „Space X“ – компанијата која е во сопственост на мојот омилен научник Елон Маск, посветена на истражување на вселената.

МЕДИУМ: Кои се твоите слободни активности ? Кој е твојот омилен филм кој би ни го препорачал?

ПАНОВ: Читам стрипови и уживам со гитарата. Сам научив да свирам. Често играм и кошарка со моите пријатели, а поддршка и пријател секако ми е и мојата сестра. Без сомневање би го препорачал филмот „Тhe dark night“, но и серијата „The Leftovers“.

МЕДИУМ: Соучениците те опишуваат како верен и искрен пријател кој знае да сослуша и помогне. Но, дали постојат негативни карактеристики кои ги пронаоѓаш сам кај себе?

ПАНОВ: Хаха, секако. Обожувам да зборувам иронично, а тоа понекогаш им пречи на другите , не ја сфаќаат мојата вистинска мисла. Овде би ги ставил и ретките прошетки,сакам да пешачам , но постојано имам некои свои изговори.

Тијана Атанасовска, СОУ „Свети Кирил и Методиј“ – Неготино