Гостиварските средношколци порачаа „Стоп за врсничкото насилство“
За врсничкото насилство не смее да се молчи, треба секој да помогне и да застане на страната на оние кои се малтретирани, порачаа гостиварските средношколци преку танцов театар. На настанот учествуваа средношколците од гостиварската гимназија, економското училиште и нивни соученици од скопската гимназија „Зеф Љуш Марку“.
Освен театарски перформанс, во рамки на проектот „Мировно образование“ со поддршка од Првата детска амбасада „Меѓаши“, беше прикажан и краток филм за психолошките последици од врсничкото насилството, а потоа се разви и дебата на темата меѓу средношколците.
Оваа веб-страница е изработена во рамките на проектот „Употреба на новинарство засновано на факти за подигање на свеста и спротивставување на дезинформациите во медиумскиот простор во Северна Македонија (Користи факти)“, кој се реализира од Институтот за комуникациски студии. Проектот е финансиран од Владата на Обединетото Кралство, со поддршка на Британската амбасада во Скопје. Мислењата и ставовите наведени на оваа веб-страница не ги одразуваат секогаш мислењата и ставовите на Британската Влада.