d

The Point Newsletter

Sed ut perspiciatis unde omnis iste natus error.

Follow Point

Begin typing your search above and press return to search. Press Esc to cancel.
ku-proekt-sred

Кумановски средношколци преку проект го доживеаја небото над Шпанија

Средношколци од кумановското училиште „Перо Наков“ посетија маркетинг агенција во Гранада, Шпанија како дел од проектот за имплементација на практична настава во образовниот процес преку соработка со бизнис секторот и примената на информациско-комуникациските алатки.

Учениците стекнаа разбирања за маркетингот, методите кои се користат при услугите за клиентите и за можностите да бидат идни успешни маркетинг-агенти. Средношколците се запознаа со културата и историјата на Шпанија преку разгледување на повеќе знаменитости, дворци и манастири во Гранада. Тие го посетија замокот Алхамбра, изграден во 13 век, кој е најпознато дело на исламската уметност на тлото на Шпанија и е единствен дворец од времето на мавриските владетели што останал делумно сочуван. Учениците следеа и фламинго шоу, карактеристично за андалузискиот дел од Шпанија. Во Гранада, средношколците снимија видео за училиштето кое ќе биде промовирано на училишниот Отворен ден. Посетата се реализираше преку програмата Еразмус плус на Националната агенција за образовни програми и мобилност.

Фросина Милошевска, наставник по македонски јазик и литература
во СОУ „Перо Наков“ – Куманово