d

The Point Newsletter

Sed ut perspiciatis unde omnis iste natus error.

Follow Point

Begin typing your search above and press return to search. Press Esc to cancel.

Младите треба да градат толерантни општества

Средношколките Невена Кимова од „Никола Карев“ Скопје и Тамара Тодевска од „Кочо Рацин“ од Свети Николе беа најмладите учеснички на еднонеделната обука што на почетокот на ноември ја организираше Волонтерскиот центар Скопје во рамки Еразмус проектот „Медиумска писменост: чекор кон инклузивно општество“.

Kade bevme Inkluzivno opstestvo 330x200На обуката учествуваа 29 претставници од осум земји (Македонија, Данска , Бугарија, Грција, Летонија, Шпанија, Словачка и Италија) со цел преку дискусија и употреба на новите медиумите да се постигне поголема толеранција кон културните различности во Европа, но и да се развие критички однос кон медиумските содржини.

Учесниците, чии професии беа новинарство, социјална и младинска работа, ги пренесоа искуствата од своите средини и дискутираа за моќта на медиумите во создавање или искривување на реалноста како последица на силното влијание што мигрантската криза го има врз европските држави. Преку обуката ќе се придонесе за функционирање на мултиетничките општества во Европа, како и зголемување и подобрување на квалитетот за активностите поврзани со мигрантите и нивна инклузија во општеството.

Обуката во Струга следи по октомвриската конференција за медиумска писменост што Еразмус партнерите во овој проект ја организираа во Архус, Данска.