Пречките во развојот не ја спречуваат желбата на Анил да биде диџеј
17-годишниот Анил од Дебар има пречки во менталниот развој, но тоа не ја спречува неговата голема желба да биде диџеј. Иако во нашето општество луѓето со попреченост често не се прифатени и на нив се гледа со предрасуди, случајот со Анил е сосема поинаков. Во неговиот роден град Дебар тој е добредојден од сите и често го покануваат да пушта музика во кафе-баровите. Видео приказната за Анил ја направија Дорина Ајдини и Шќипе Бајрами.
Видеото е изработено како завршна задача на мастер часовите за медиуми и новинарство, организирани од Институтот за комуникациски студии и ИРЕКС во рамките на проектот на УСАИД за медиумска писменост „Младите размислуваат“.

Оваа веб-страница е изработена во рамките на проектот „Следење, откривање и разобличување на скриеното странско мешање и манипулирање со информации“, кој се реализира од Институтот за комуникациски студии. Проектот е финансиран од Владата на Обединетото Кралство, со поддршка на Британската амбасада во Скопје. Мислењата и ставовите наведени на оваа веб-страница не ги одразуваат секогаш мислењата и ставовите на Британската Влада.