Програмери освоија сребро и бронза на Олимпијада по информатика во Јапонија
Со еден средбрен и еден бронзен медал, македонскиот тим средношколци се вратија од 30-тата по ред Интернационална Олимпијада по Информатика (ИОИ 2018), која од 1 до 8 септември се одржува во Цукуба, Јапонија.
Сребрениот медал го освои Владимир Максимовски, додека бронзениот Андреј Величковски. Од Македонија на олимпијадата учествуваа уште двајца средношколци, Мартин Динев и Филип Михов, а сите четворица беа предводени од лидерите Весна Димитриевска и Емил Станков од Факултетот за информатички науки и компјутерско инженерство.
Од Здружението на информатичарите на Македонија велат дека она што го прави овогодинешното учество едно од најуспешните е што среброто на Максимовски е втор ваков медал во историјата на македонски учества на оваа олимпијада.
На ИОИ 2018 учествуваат вкупно 335 ученици од 87 земји од целиот свет.

Оваа веб-страница е изработена во рамките на проектот „Следење, откривање и разобличување на скриеното странско мешање и манипулирање со информации“, кој се реализира од Институтот за комуникациски студии. Проектот е финансиран од Владата на Обединетото Кралство, со поддршка на Британската амбасада во Скопје. Мислењата и ставовите наведени на оваа веб-страница не ги одразуваат секогаш мислењата и ставовите на Британската Влада.