d

The Point Newsletter

Sed ut perspiciatis unde omnis iste natus error.

Follow Point

Begin typing your search above and press return to search. Press Esc to cancel.

Младите во Крива Паланка покренаа „генералка“ на градот

Секој викенд во наредните два месеци ќе „светне“ по некоја населба во Крива Паланка. Станува збор за еколошка акција „Чиста населба – чиста Општина“ која ја најавија локалните власти, а која ја покренаа младите еко тимови од училиштата, кои со своите одговорни лица ќе бидат вклучени и активно ќе учествуваат во планираните активности.

На денот на пролетта – 21. март, пак, учениците го искористија првото пролетно сонце за чистење  на училишните дворови и околните улици, а дел од нив се погрижија за хортикултурно уредување засадувајќи цвеќиња и садници.

Акцијата „Чиста населба – чиста Општина“ започна минатиот викенд кога се чистеа населбите Осичка маала и Домачки дол. За неа е направен план и опфаќа два сегменти, од кои едниот е чистење на дворовите, читење на зелените јавни површини и пред станбените згради, додека другиот сегмент е собирање на непотребниот отпад од индивидуалните домови.

Покрај средношколците како иницијатори, учество најавиле и голем број на невладини организации, како и граѓани кои самоиницијативно се пријавиле.

Акцијата е поддржана и од Советот на општината, од ЈП „Комуналец“, од советите на заедниците на станари во самите населби, од локалните фирми и др.