Демиркаписката клисура почнува да дише
Челевечка река ослободена од цевки, околината се чисти од платна и метални прачки. Демиркаписката клисура почнува да дише. Кога го посетивме во август, местото личеше на депонија на градежен материјал. Седум месеци по првиот повик на Спортскиот клуб „Клисура“, со упорност, активирање на медиумите и притисок од јавноста, грчката фирма „Актор“ која ја градеше делницата од автопатот „Пријателство“ се врати да ја заврши работата. Работа има уште, а доаѓањето на зимата не им оди во прилог на машините со кои се работи, но локалните власти тврдат оти ќе ја завршат работата до крај. Градоначалникот со план, по расчистувањето да го направи местото посакувана туристичка дестинација.
Новинарка: Катерина Топалова
Снимател: Иван Поповиќ
Монтажер: Ристо Душковски

Оваа веб-страница е изработена во рамките на проектот „Следење, откривање и разобличување на скриеното странско мешање и манипулирање со информации“, кој се реализира од Институтот за комуникациски студии. Проектот е финансиран од Владата на Обединетото Кралство, со поддршка на Британската амбасада во Скопје. Мислењата и ставовите наведени на оваа веб-страница не ги одразуваат секогаш мислењата и ставовите на Британската Влада.