Средношколски камп за еко-новинарство
Институтот за комуникациски студии во рамки на кампањата за подобра животна средина „Не игнорирај! Реагирај!“ од 08 до 10 јуни организира средношколски камп за еко-новинарство во Струмица.
На кампот средношколците ќе учат кои се разликите помеѓу дневното новинарство и еко-новинарството, како се фотографира жив свет, како се прават фото приказни, што е екологија и животна средина и како се известува овие теми. Стекнатите знаења ќе ги применат на терен преку изработка на фото приказни за животната средина и биодиверзитетот во Струмичкиот регион.
Учесници на кампот се авторите на најдобрите медиумски производи од конкурсот „Изрази се преку медиумите“ и средношколци кои се активни соработници на средношколскиот весникот „Медиум“.

Оваа веб-страница е изработена во рамките на проектот „Следење, откривање и разобличување на скриеното странско мешање и манипулирање со информации“, кој се реализира од Институтот за комуникациски студии. Проектот е финансиран од Владата на Обединетото Кралство, со поддршка на Британската амбасада во Скопје. Мислењата и ставовите наведени на оваа веб-страница не ги одразуваат секогаш мислењата и ставовите на Британската Влада.