Доделени наградите за конкурсот „Изрази се преку медиумите“

Доделени наградите за најдобар медиумски производ од конкурсот „Изрази се преку медиумите“

Високата школа за новинарство и за односи со јавноста, во партнерство со Институтот за различности од Лондон и дневниот весник „Нова Македонија“ на 10-ти мај ги додели наградите за најдобрите средношколски медиумски производи добиени на конкурсот „Изрази се преку медиумите“ на тема „Би сакал/а во мојата општина да …“

Првата награда ја освоија група ученици од СОУ „Митко Пенџуклиски“ Кратово, втората награда му припадна на Стефан Митиќ од гимназијата „Орце Николов“ од Скопје, додека третата награда ја доби Берат Ахметај од ЕТУЦ „Михајло Пупин“ од Скопје. Исто така, без избрани уште 10 најкреативни медиумски производи, чии автори ќе учествуваат на летниот камп за медиумската писменост што Високата школа за новинарство и за односи со јавноста ќе го организира во јуни во Штип. Тоа се:

• Лазара Стојкова од СОУ „Ванчо Прке“ – Виница (Фото сторија)
• Кристина Конева од СУГС „Орце Николов“ – Скопје (Фото сторија)
• Васил Петрушев и Филип Стојановски од СЕПУГС „Васил Антевски Дрен“ – Скопје (Фото сторија)
• Димитар Шуклев од СОУ „Јосиф Јосифовски“ – Гевгелија (Фото сторија)
• Филип Велјановски од СОУ „Крсте П. Мисирков“ – Демир Хисар (Фото сторија)
• Бојана Исијанин од СОУ „Јосип Броз – Тито“ – Битола (Видео)
• Харун Салих од ПСУ „Јахја Кемал Колеџ“ – Пласница (Видео)
• Стефан Жупан од СОУ „Св. Климент Охридски“ – Охрид (Видео)
• Ивона Марковска и Ана Стефановска од СОУ „Јосип Броз – Тито“ – Битола (Видео)
• Марија Ѓорѓиева СОУ „Добри Даскалов“ – Кавадарци (Постер)

Идејата на конкурсот беше да се поттикне медиумската писменост кај младите, кои на креативен начин ќе покажат дека умеат да ги користат медиумите за да предизвикаат промена во средината во која живеат.

На конкурсот се пријавија 50тина ученици од цела Македонија. Конкурсот е дел од проектот „Медиумска писменост во ера на наплив на информации: Коалиција за медиумска и информациска писменост“, поддржан од Европската Унија.

Повеќе информации за конкурсот на www.medium.edu.mk

Скопје, 10.05.2018

Контакт лице:
Александра Теменугова, е-маил: [email protected]; тел: 02 3090 004