Три години интензивна промоција на медиумската писменост

Високата школа за новинарство и за односи со јавноста со заврши тригодишниот проект „Медиумската писменост во ера на наплив на информации: Коалиција за медиумска писменост“ што од 2016 г. го работеше со партнерите „Нова Македонија“ и Институтот за различности во медиумите од Лондон.

Во текот на овие три години издадовме 24 изданија на средношколскиот весник „Медиум“, посетивме 15 средни училишта во кои зборевме за новинарството, организиравме конкурс за најдобар средношколски медиумски производ “Изрази се преку медиумите“, организиравме Летен камп за медиумска писменост за 30 средношколци, ја надградивме веб страницата www.medium.edu.mk како препознатлив ресурс за медиумската писменост, ја основавме Коалицијата за медиумска писменост составена од осум граѓански организации и исто толку медиумски партнери, направивме истражувања како нашиот образовен систем ја третира оваа област и во соработка со Бирото за развој на образованието посочивме зошто ни е потребна промена на наставните програми и учебници.

Сето ова немаше да го постигнеме ако ја немавме поддршката на Делегацијата на Европската Унија и упатуваме голема благодарност што го препозна потенцијалот на овој проект.

Пред официјалното завршување на овој проект, тимот на Високата школа за новинарство и за односи со јавноста упатува искрена благодарност до сите ученици, професори, соработници, институции и организации кои беа дел www.medium.edu.mk.

2018-та ја испраќаме со видео за сработеното во овие три години.