Вести
|
Високата школа за новинарство и „Нова Македонија“ одржаа медиумска лабораторија во Виница
Триесетина ученици од средното училиште „Ванчо Прке“ во Виница учеа како се пишува новинарска вест, како се прави весник и како работи една редакција на печатен медиум. Во заедничка интеракција целата група симулираше работа во медиум, функционирајќи како една новинарска редакција.
Овие еднодневни новинарски работилници ги организираат Високата школа за новинарство и за односи со јавноста и дневниот весник „Нова Македонија“ во рамките на проектот „Коалиција за медиумска писменост“, кој е финансиран од Европската Унија.
Работилниците се организираат на месечно ниво. Средните училишта кои се заинтересирани да бидат домаќини можат да се пријават на интернет-адресата [email protected]
Оваа веб-страница е изработена во рамките на проектот „Употреба на новинарство засновано на факти за подигање на свеста и спротивставување на дезинформациите во медиумскиот простор во Северна Македонија (Користи факти)“, кој се реализира од Институтот за комуникациски студии. Проектот е финансиран од Владата на Обединетото Кралство, со поддршка на Британската амбасада во Скопје. Мислењата и ставовите наведени на оваа веб-страница не ги одразуваат секогаш мислењата и ставовите на Британската Влада.