Skip to content 
Матурантите по десетти пат одиграа „квадрил“
И годинава, повеќе од илјада матуранти од цела земја, точно напладне на 20-ти мај, се собраа на плоштадот „Македонија“ и традиционално го одиграа танцот „квадрил“ во рамки на „Матурска парада 2016“.
По десетти, јубилеен пат, во исто време танцуваа заедно со своите врсници од повеќе градови од земјава и од Европа, на звуците на штраусовата опера „Лилјакот“.
На настанот, кој го отвори скопскиот градоначалник Коце Трајановски, учествуваа ученици од 20 средни училишта од Скопје, Охрид, Струга, Струмица, Валандово, Гевгелија и Неготино.
Пред започнувањето на танцот „квадрил“, матурантите положија заклетва за ненасилство и толеранција.
„Матурска парада 2016“ е во организација на Дирекцијата за култура и уметност на Скопје во соработка со танцовиот клуб „Ритам плус“, а под покровителство на Градот Скопје.
Поддржувач на манифестацијата е Делегацијата на Европската унија во Македонија.
Оваа веб-страница е изработена во рамките на проектот „Употреба на новинарство засновано на факти за подигање на свеста и спротивставување на дезинформациите во медиумскиот простор во Северна Македонија (Користи факти)“, кој се реализира од Институтот за комуникациски студии. Проектот е финансиран од Владата на Обединетото Кралство, со поддршка на Британската амбасада во Скопје. Мислењата и ставовите наведени на оваа веб-страница не ги одразуваат секогаш мислењата и ставовите на Британската Влада.