Свети Николе во новогодишно руво

По повод Новогодишните празници МСУ „Гаврило Романович Державин“ во Свети Николе по трети пат организира новогодишен фестивал и базар кој ќе се одржи од 25-27 декември.

На манифестацијата се изложени штандови од рачно изработени предмети со новогодишни мотиви, рачно изработени празнични декорации подготвени од учениците на СОУ „Кочо Рацин“- Свети Николе, како и од основните училишта во градот: „Кирил и Методиј“ и „Гоце Делчев“, најмалите учесници од детската градинка „Рахилка Гонева“. На настанот активно се вклучени и студентите од МСУ „Гаврило Романович Державин“- Свети Николе. Сите сме активни чинители со мисли, идеи, изработки.

Тридневниот новогодишен фестивал е збогатен со културно-уметничка програма, драмски претстави, саем на книги, новогодишни коктели и забави. Настаните се изведуваат во просториите на МСУ „Гаврило Романович Державин“.

Хуманоста обединува

Учениците од СОУ „Кочо Рацин“- Свети Николе во изминатиот период организираше низа активности со хуманитарна цел. Целта на активностите се состоеше во собирање на парични средства кои ќе бидат наменети за лекување на нашата сограѓанка Валентина Нунева  за пресадување на матични клетки во Русија. Учениците од нашето училиште во соработка со Црвен крст при општина Свети Николе и Дом на култура „Крсте Петков Мисирков“- Свети Николе активно се вклучија во реализација на низа активности се во духот на хуманоста.

Преку организирање на драмската претстава „Ентер“, средношколска забава и доброволно собирање на парични средства учениците докажаа колку е важна хуманоста во борбата за човековиот живот.