Работилница по фотографија во природа
Ученици од трета година од Меѓународната матура при гимназијата „Јосип Броз“ во Скопје, овој месец, работилницата по фотографија, под менторство на професорите Ангелина Дамјановска Наумовска и Кристина Атанасова, ја одржаа во Градскиот парк. Имаа можност да фотографираат со професионални апарати и да доживеат едно поинакво искуство.
Работилницата, која се одржува еднаш неделно, ја водат учениците Сергеј Сарчевски и Филип Цветков, а како проект започна во ноември 2016 година. Замислена е да трае неколку месеци и да се заокружи со изложба на која ќе бидат презентирани фотографии од сите учесници на работилницата.
Оваа веб-страница е изработена во рамките на проектот „Употреба на новинарство засновано на факти за подигање на свеста и спротивставување на дезинформациите во медиумскиот простор во Северна Македонија (Користи факти)“, кој се реализира од Институтот за комуникациски студии. Проектот е финансиран од Владата на Обединетото Кралство, со поддршка на Британската амбасада во Скопје. Мислењата и ставовите наведени на оваа веб-страница не ги одразуваат секогаш мислењата и ставовите на Британската Влада.